Ümid” yaşayış kompleksi Naxçıvanda həyata keçirilən tikinti-quruculuq işlərində əhalinin mənzil-məişət şəraitinin yaxşılaşdırılması mühüm yer tutur. Hər il yeni yaşayış binaları inşa olunur, mövcud binalar yenidən qurularaq istifadəyə verilir. Həyata keçirilən tədbirlər ailələrin kommunal-məişət şəraitini daha da yaxşılaşdırır, sakinlər tərəfindən razılıq hissi ilə qarşılanır. “Cahan Holdinq” Kommersiya Şirkətləri İttifaqı da yaradılmış şəraitdən bəhrələnərək öz layihələri ilə muxtar respublikanın sosial-iqtisadi inkişafında yaxından iştirak edir.
Belə layihələrdən biri də bu gün Naxçıvan şəhəri 49-cu məhəllədə istifadəyə verilən “Ümid” yaşayış kompleksidir. Təməli 2020-ci ilin iyun ayında qoyulan yaşayış kompleksinin ümumi sahəsi 22 min 325 kvadratmetrdir. Şəhərcikdə 20 min 300 kvadratmetr tikinti quruculuq işləri aparılmış, 4 ədəd 9 mərtəbəli yaşayış binası inşa edilmişdir.
Doqquz mərtəbəli yaşayış binalarının hər biri 54 mənzillidir. Binalarının hər mərtəbəsində sahəsi 96,1-95,2 kvadratmetr olan 4-ü üç otaqlı, sahəsi 81,80 kvadratmetr olan 2-si iki otaqlı olmaqla 6 mənzil vardır. Ümumilikdə, 4 yaşayış binasında 192 mənzil istifadəyə verilmişdir. Mənzillərdən biri şəhid ailəsinə verilib,72 isə ipoteka krediti ilə satılmışdır