Category: Tədbirlər

Dekabrın 12-də “Cahan Şirkətlər Qrupu”nun təsisçisi, Azərbaycan Sahibkarlar Konfederasiyasının vitse-prezidenti, Naxçıvan Muxtar Respublikası Sahibkarlar Konfederasiyasının sədri Vüqar Abbasov, müəssisə rəhbərləri və əməkdaşları Azərbaycan dövlətinin qurucusu və memarı, Ümummilli Lider Heydər Əliyevin Naxçıvan şəhərinin baş meydanında əzəmətlə ucalan abidəsini ziyarət ediblər.

Abidə önünə güllər qoyulub, Ulu Öndərin xatirəsi dərin ehtiramla yad edilib. Eyni zamanda, “Cahan Şirkətlər Qrupu”nun rəhbər heyəti Bakı şəhərində Fəxri Xiyabanı ziyarət edərək Ümummilli Lider Heydər Əliyevin məzarı önünə gül çələngi qoyub və xatirəsini böyük hörmətlə anıblar.

Dekabrın 2-də Bakıda Azərbaycan-Rusiya İşgüzar Şurasının iclası keçirilib. Tədbirdə çıxış edən İqtisadiyyat naziri Mikayıl Cabbarov iki ölkə arasında əməkdaşlığın inkişafını və Şuranın tərəfdaşlıq mexanizminin əhəmiyyətini vurğulayıb.

Şuranın fəaliyyəti barədə məlumat verən Səməd Qurbanov ticarət əlaqələrinin inkişafı və Azərbaycan biznes ictimaiyyətinin dəstəklənməsi istiqamətində görülən işlərdən danışıb.

Şuranın yeni seçilmiş İdarə Heyətinin sədri Emin Ağalarov biznes-dialoqun intensivləşdirilməsi və tərəfdaşlıq imkanlarının genişləndirilməsinin vacibliyini qeyd edib.

Tədbirdə rəsmi şəxslər və iqtisadiyyatın müxtəlif sahələrində fəaliyyət göstərən 90-dan çox qurum, o cümlədən “Cahan Şirkətlər Qrupu”nun rəhbər heyəti də iştirak edib.