“Cahan Holdinq” Kommersiya Şirkətlər İttifaqının əməkdaşları Bəhruz Kəngərli Muzeyində olublar. Muzeydə rəssamın həyatı və fəaliyyəti ilə bağlı rəsm əsərləri, əl işləri və digər eksponatlar nümayiş olunub və şirkətin əməkdaşlarına ətraflı məlumat verilmişdir.
“Cahan Holdinq” Kommersiya Şirkətlər İttifaqının əməkdaşları Hüseyn Cavidin Ev Muzeyində olublar.
Muzeydə məişət və geyim əşyaları, Hüseyn Cavidin nəşr olunmuş kitabları, səhnə əsərlərinin proqram və afişaları, tamaşalardan və ailəvi fotoşəkillər, şairə həsr olunmuş rəssamlıq və digər təsviri sənət əsərləri, və s. nümayiş olunub və şirkət əməkdaşlarına ətraflı məlumat verilmişdir.
İyunun 14-də Naxçıvan Biznes Mərkəzində 6-cı Beynəlxalq “Caspian Energy Forum Nakhchivan – 2018” keçirilib.
Tədbirdə çıxış edən Naxçıvan Muxtar Respublikası Sahibkarlar Konfederasiyasının sədri Vüqar Abbasov bildirmişdir ki, sahibkarlıq fəaliyyətinə başlamaq istəyən iş adamlarına düzgün istiqamət verməyi özünün əsas vəzifələrindən biri hesab edən Naxçıvan Muxtar Respublikası Sahibkarlar Konfederasiyası sahibkarların hüquqlarını qorumağa, dövlət orqanları və beynəlxalq təşkilatlarla sıx əməkdaşlıq edərək, yaradılmış şəraitdən maksimum istifadə olunmasına köməklik göstərməyə çalışır. Bunun üçün hazırda muxtar respublikamızda hər cür münbit şərait və əlverişli biznes mühiti vardır.
Forum iştirakçıları “Cahan Sənaye Kompleksi” MMC-də olmuş, burada panel radiator və dam örtükləri, plastik boruların istesal prosesini izləyiblər.qonaqlara istehsal prosesi barədə ətraflı məlumatlar verilib. Qeyd olunub ki, müəssisələrin istehsal etdikləri keyfiyyətli məhsullar yerli bazarın tələbatını ödəməklə yanaşı, digər ölkələrə də ixrac olunur.
Qeyd etmək lazımdır ki, Azərbaycan Respublikası Prezidenti Cənab İlham Əliyev 10 avqust 2017-ci il tarixdə “Azərbaycan Respublikasında tütünçülüyün inkişafına dair 2017-2021-ci illər üçün Dövlət Proqramı”-nı təsdiq edəndən sonra, “Cahan Tobacco International” şirkəti tütün yetişdirmə və hazır məhsul istehsalı üzrə fəaliyyətini ildən-ilə daha da gücləndirir və tütün əkini sahələrini hər il genişləndirərək məhsuldarlığı artırmaqda davam edir.
Naxçıvan Muxtar Respublikasının kənd təsərrüfatı nazirinin müavini Xəyalə Dadaşova Cahan Tobacco International – CTI stendini ziyarət etmiş və şirkətin gördüyü işlərin Respublikanın kənd təsərrüfatının inkişafına verdiyi töhfələrə dair öz müsbət rəylərini bildirmişdir.
Ən çox ziyarət olunan stend adını qazanan “Cahan Tabak” şirkəti ölkəmizin iqtisadiyyatının inkişafı naminə fəal fəaliyyətini uğurla davam etdirəcək və “Made in Azerbaijan” brendi altında dünya bazarında ölkəmizi laiqincə təmsil etməkdə davam edəcək.
Naxçıvanda “Cahan Holding”-in inşa etdiyi müasir “Ümid Yaşayış Kompleksi”-nin açılışı olub. Açılışda kompleksin yeni sakinlərinə mənzillərinin ordenini Naxçıvan Muxtar Respublikasında Azərbaycan Prezidentinin səlahiyyətli nümayəndəsi Fuad Nəcəfli təqdim edib.
“Cahan Holdinq”-in təsisçisi Vüqar Abbasov tədbir zamanı çıxışında deyib ki, muxtar respublikada əhalinin mənzil-məişət şəraitinin yaxşılaşdırılması üçün həyata keçirilən siyasətin nəticəsi olaraq “Cahan Holdinq” də bu istiqamətdə öz töhfəsini verə bilib. “Ümid Yaşayış Kompleksində” müasir yaşayış standartlarına cavab verən binalar tikilmiş, xidmət və istirahət sahələri yaradılmışdır. Prezidentin səlahiyyətli nümayəndəsi Fuad Nəcəfli də öz növbəsində Azərbaycanda müşahidə olunan inkişaf və müasirləşmənin Naxçıvanda da davam etdirilməsi, əhalinin mənzil məişət şəraitinin yaxşılaşdırılması istiqamətində yeni layihələrin icra olunacağını bildirib.
Qeyd edək ki, təməli 2020-ci ilin iyun ayında qoyulan “Ümid Yaşayış Kompleksi”-nin ümumi sahəsi 22 min 325 kvadratmetrdir və 4 ədəd 9 mərtəbəli yaşayış binasından ibarətdir. Binalarının hər birində 4 və 2 otaqlı olmaqla 54 mənzil yerləşir. Ümumilikdə, 4 yaşayış binasında 192 mənzil istifadəyə verilmişdir. Binalar lift ilə təmin olunub. Şəhərciyin kommunal-məişət şəraiti və sosial infrastrukturu da ən müasir tələblər səviyyəsindədir. Yaşayış kompleksində müasir işıqlandırma, təhlükəsizlik üçün mərkəzi müşahidə sistemi, 2 ədəd 650 kVA gücündə transformator, mərkəzi havalandırma sistemləri quraşdırılıb. Yanğından mühafizə üçün 500 kubmetrlik, tələbatı ödəmək üçün 250 kubmetrlik iki su anbarı tikilmişdir. Mənzillər yüksək sürətli fiber-optik şəbəkə sistemi ilə təchiz edilmişdir.
İnşa olunan mənzillər ipoteka və sərbəst satışlarla əhalinin xidmətindədir. 72 mənzil ipoteka krediti ilə satılmışdır. Bundan başqa daxili imkanlar hesabına 32 ailəyə bir illik faizsiz daxili kredit , 29 ailəyə isə üç ilik daxili kredit verilərək gənc ailələr ev ilə təmin olunub.
“Ümid” yaşayış kompleksində 8460 kvadratmetr ərazi abadlaşdırılaraq sakinlər üçün istirahət parkı, uşaqlar üçün əyləncə parkı yaradılmışdır.
Müasir tələblərə cavab verən “Ümid” yaşayış kompleksin əhalinin məşğulluğunun təmin olunmasına da müsbət təsir göstərmişdir. Burada 26 mağaza istifadəyə verilib. Kompleksdə 10 yeni iş yeri açılıb, orta aylıq əməkhaqqı 600 manatdır.