Çin Xalq Respublikası son dövrlərdə dünyanın sürətlə inkişaf edən sənaye ölkələrindən biridir. Artıq dünyanın iri şirkətləri orda öz nümayəndəliyini qurmuş və iqtisadi əlaqələri daha da gücləndirmişlər. Azərbaycanın nəhəng holdinqlərindən biri olan “Cahan Holdinq” Kommersiya Şirkətlər İttifaqı da dünyanın bir sıra böyük şəhərlərində öz nümayəndəliyini açaraq həm holdinqin, həm də Azərbaycan Respublikasının iqtisadi maraqlarına xidmət edir və ölkələr arasındakı iqtisadi əlaqələri günü-gündən inkişaf etdirir. Holdinq ÇXR-də də öz nümayəndəliyini açmışdır. Quançjouda yerləşən nümayəndəlik iki ölkə arasında mühüm iqtisadi rola malikdir. Nümayəndəlik baş ofislə tərəfdaşlar arasında əlaqələr yaradır, holdinqin xarici ölkələrlə əlaqələrinin koordinasiyasına xidmət edir.