“Cahan Holdinq” Kommersiya Şirkətlər İttifaqının əməkdaşları Bəhruz Kəngərli Muzeyində olublar. Muzeydə rəssamın həyatı və fəaliyyəti ilə bağlı rəsm əsərləri, əl işləri və digər eksponatlar nümayiş olunub və şirkətin əməkdaşlarına ətraflı məlumat verilmişdir.
Martın 6-da Bakıda İqtisadiyyat Nazirliyinin tabeliyində Kiçik və Orta Biznesin İnkişafı Agentliyi (KOBİA) və “Caspian European Club” birgə biznes forum keçirib. KOBİA-nın İdarə Heyətinin sədri Orxan Məmmədovun iştirakı ilə təşkil edilmiş biznes forumda Azərbaycanda biznesin inkişaf perspektivlərinə dair müzakirələr aparılıb.
Biznes Forumda Kiçik və Orta Biznesin İnkişafı Agentliyinin, “Cahan Holdinq”in, Azərbaycanda Qadın Sahibkarlığının İnkişafı Assosiasiyasının, “Bakı Textil Fabriki” MMC-nin və “Times Consulting” şirkətinin nümayəndələri çıxış və təqdimatlar ediblər. Forum çərçivəsində “Cahan Holdinq” və “Caspian European Club” arasında əməkdaşlıq barədə Memorandum imzalanıb.
Tədbir çərçivəsində xüsusi olaraq “KOB Dostu” masası yaradılıb və KOBİA-nın KOB dostları vasitəsilə biznes forumda iştirak edən sahibkarların müraciət və təklifləri dinlənilib. Qeyd edək ki, biznes forumda sahibkarlar, diplomatik qurum və beynəlxalq təşkilatların nümayəndələri iştirak ediblər.
“Cahan Holdinq” Kommersiya Şirkətlər İttifaqının əməkdaşları Hüseyn Cavidin Ev Muzeyində olublar.
Muzeydə məişət və geyim əşyaları, Hüseyn Cavidin nəşr olunmuş kitabları, səhnə əsərlərinin proqram və afişaları, tamaşalardan və ailəvi fotoşəkillər, şairə həsr olunmuş rəssamlıq və digər təsviri sənət əsərləri, və s. nümayiş olunub və şirkət əməkdaşlarına ətraflı məlumat verilmişdir.
Onun sözlərinə görə, qarşıya qoyulan məqsəd və uğrunda atılan uğurlu addımlar nəticəsində ötən illər ərzində “Cahan Holdinq” Kommersiya Şirkətləri İttifaqı kiçik bir şirkətdən istehsal, ticarət, xidmət, inşaat sektorlarını əhatə edən böyük bir quruma çevrilə bilib. Hazırda bu qurumun tabeliyindəki müəssisələrin istehsal etdiyi məhsullar təkcə Azərbaycanda istehlak olunmur, həmçinin xaricə də ixrac edilir. Məqsəd “Cahan Holdinq”in fəaliyyət dairəsini daha da genişləndirərək beynəlxalq arenada sayılıb seçilən şirkətlərdən olmaqdır.
Vüqar Abbasov tələbələrin suallarını cavablandıraraq onlarla səmimi müzakirələr aparıb.
Müəssisə rəhbərliyi tərəfindən məlumat verilmişdir ki, plastik boru, profil və aksesuarların istehsalı ilə məşğul olan müəssisənin məqsədi daxili bazarı yüksəkkeyfiyyətli tikinti materialları ilə təmin etməkdir. Burada quraşdırılmış tam avtomatlaşdırılmış avadanlıqlarla müxtəlif qapı-pəncərə profilləri, polipropilen əsaslı kompozit və sadə içməli su boruları, eləcə də polietilen əsaslı sərt sulama boruları, PVC əsaslı lambir, saydinq və aksesuarlar, PVC əsaslı yumşaq rezin suvarma şlanqları, kanalizasiya boruları, müxtəlif boru fitinqləri olmaqla, 7 növdə və 160 çeşiddə məhsul istehsal olunur. Bu avadanlıqlar vasitəsilə məhsulların təzyiqə, istiliyə və zərbəyə davamlılığının, o cümlədən xammalın tərkibinin yoxlanması da mümkündür. Burada istehsal olunan hər məhsul növünə beynəlxalq sertifikat verilib.
İyunun 14-də Naxçıvan Biznes Mərkəzində 6-cı Beynəlxalq “Caspian Energy Forum Nakhchivan – 2018” keçirilib.
Tədbirdə çıxış edən Naxçıvan Muxtar Respublikası Sahibkarlar Konfederasiyasının sədri Vüqar Abbasov bildirmişdir ki, sahibkarlıq fəaliyyətinə başlamaq istəyən iş adamlarına düzgün istiqamət verməyi özünün əsas vəzifələrindən biri hesab edən Naxçıvan Muxtar Respublikası Sahibkarlar Konfederasiyası sahibkarların hüquqlarını qorumağa, dövlət orqanları və beynəlxalq təşkilatlarla sıx əməkdaşlıq edərək, yaradılmış şəraitdən maksimum istifadə olunmasına köməklik göstərməyə çalışır. Bunun üçün hazırda muxtar respublikamızda hər cür münbit şərait və əlverişli biznes mühiti vardır.
Forum iştirakçıları “Cahan Sənaye Kompleksi” MMC-də olmuş, burada panel radiator və dam örtükləri, plastik boruların istesal prosesini izləyiblər.qonaqlara istehsal prosesi barədə ətraflı məlumatlar verilib. Qeyd olunub ki, müəssisələrin istehsal etdikləri keyfiyyətli məhsullar yerli bazarın tələbatını ödəməklə yanaşı, digər ölkələrə də ixrac olunur.
“Cahan Sənaye Kompleksi”nin tərkibində olan “Magna” markası 4 əsas istiqamətdə fəaliyyət göstərir. Bu istiqamətlər PPR, plastik boru və əlavə hissələri, qapı pəncərə sistemləri üçün PVC profillər, saidinq və fasad örtükləri, radiator və dam örtüklərinin istehsalıdır.
Regionun ən mühüm plastik boru və əlavə hissə istehsalçısı mövqeyinə çatmış “Magna” dünyada bu işin mütəxəssisi olan markalarla əməkdaşlıq çərçivəsində əhəmiyyətli addımlar atır. İlk dəfə “Aqua Therm Baku 2018” sərgisində iştirak edən “Magna” burada istehsal etdiyi məhsulları təqdim edib və ən gözəl stend dizaynı mükafatına laiq görülüb. Naxçıvan Muxtar Respublikasında istehsal olunan və Azərbaycanın 8 fərqli bölgəsində yerləşən 10 ofisi ilə satış və satış sonrası xidmət verməkdədir.
28.10.2020-ci il tarixdə Cahan Holdinq Kommersiya Şirkətlər Ittifaqının aparatının Əməyin Mühafizəsi və Təhlükəsizlik texnikası üzrə mütəxəssisi Rəşad Allahyarovun və Naxçıvan MR Fövqəladə Hallar Nazirliyinin nümayəndəsi Kapitan Turan Şahhüseynovun iştirakı ilə “Cahan AVM” MMC-də 50 nəfərin iştirakı ilə qış mövsümünə hazırlıqla əlaqədar işçilər arasında maarifləndirmə işi aparılmışdır.
Kapitan T.Şahhüseynov qış mövsümünə hazırlıqla əlaqədar işçilərə hansı işlərin görülməli olduğu, qaz cihazlarında və su qızdırıcılarda hər hansı bir nasazlıq olarsa əvəlcədən nə etməli, evlərdə dəm qazlarının sızması zamanı sakinlərdə baş verən hansı əlamətlərin necə olduğu, bunun üçün ilkin olaraq nə etməli olduğu ilə bağlı geniş və ətraflı məlumat vermişdir. Xüsusilə fərdi evlərdə yaşayan insanların qış mövsümündə mənzillərdə istilik sobalarının quraşdırılması zamanı tüstü bacalarının mütləq açıq vəziyyətdə olmasının yoxlanılmalı olduğunu və hansı tüstü borularından istifadə olunması barədə məlumat verdi.
Tədbirin sonunda Holdinqimizin struktur bölmələrində çalışan işçilərlə maarifləndirmə işləri apardıqlarına görə Fövqəladə Hallar Nazirliyinin rəhbərliyinə və bütün kollektivinə Holdinqimizin rəhbərliyi adından minnətdarlıq bildirilmişdir.
11 iyul, 2023-cü il tarixində “Cahan Holding”ə daxil olan ENNA şirkətinin Naxçıvanda yerləşən enerji və sərinləşdirici içkilər zavodunun açılışı olub. Müasir avadanlıqlarla təchiz olunmuş zavod istehsal həcminə görə Qafqazın ən iri enerji və sərinləşdirici içki zavodudur. Açılış tədbirində Azərbaycan Respublikası Prezidentinin Naxçıvan Muxtar Respublikasında səlahiyyətli nümayəndəsi Fuad Nəcəfli, Naxçıvan Muxtar Respublikasının iqtisadiyyat naziri Tapdıq Əliyev, “Cahan Holding”in qurucusu Naxçıvan Sahibkarlar Konfederasiyasının sədri Vüqar Abbasov, holdinqin və ENNA şirkətinin rəhbər heyətləri iştirak ediblər.
Açılışda qonaqları salamlayan Vüqar Abbasov müəssisə və zavod barədə qonaqlara ətraflı məlumat verib. O bildirib ki, layihə ölkəyə idxal edilən məhsulların yerli istehsalla əvəz edilməsi, Naxçıvanda yeni iş yerlərinin açılması, regionda yaşayan əhalinin məşğulluğunun təmin edilməsi, əhalinin maddi rifahının yaxşılaşdırılması baxımından mühüm hadisədir.
“Müəssisə bizə xarici ölkələrə də satış etmək imkanı verir. İnanıram ki, zavodun müştəri məmnuniyyətinə səbəb olan məhsullar qonşu dövlətlərə, Orta Asiya və Ərəb ölkələrinə də ixrac olunacaq.” V. Abbasov bildirib.
Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli öz çıxışında bildirib ki, dövlət başçısının təsdiq etdiyi “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı”nın icrası çərçivəsində bundan sonra da Naxçıvanda yeni müəssisələr yaradılacaq. Müəssisələrin kadr potensialı məsələsinə toxunan səlahiyyətli nümayəndə, muxtar respublikada fəaliyyət göstərən ali, orta ixtisas və peşə təhsili müəssisələrinin potensialından istifadə edərək müasir peşə bacarıqlarına malik savadlı kadrların yetişdirilməsinin vacibliyini vurğulayıb.Çıxışların ardınca qonaqlar zavod ərazisini ziyarət edərək müəssisəsinin Keyfiyyət və Prosesə Nəzarət şöbəsinin sınaq laboratoriyası ilə tanışlıq olub. Daha sonra istehsal müəssisəsi işə salınıb və ziyarətçilər istehsal prosesi ilə yaxından tanış olublar. Ziyarət zamanı zavod işçiləri qonaqları təhlükəsizlik və avadanlıqların işləmə prinsipi barədə suallarını cavablandırıblar.
ENNA MMC şirkəti 2022-ci ildə “Cahan Holding” tərəfindən ölkədə enerji və sərinləşdirici içkilərin istehlakı istiqamətində daxili tələbatı ödəmək məqsədilə yaradılıb. Müəssisənin əsas hədəfi fəaliyyəti dövründə hər il istehsal həcmini intensiv olaraq artırıb, Naxçıvan Muxtar Respublikasının sərhədləri xaricinə çıxarmaq, digər regionlara qazlı içkilərin satışı həyata keçirməkdir. Zavodun üç növbəli iş rejimi ilə ildə 230 milyon dəmir içki bankası istehsal etmək gücü var. Müəssisənin fəaliyyəti üçün ümumilikdə 300 nəfər yeni işçi cəlb olunub. Bunun üçün yerli potensialdan istifadə edilib.
Zavodda GMP təhlükəsizlik standartının tətbiqi və quraşdırılmış innovativ texnologiyalar sayəsində məhsullar insan əli dəymədən istehsal edilir. İstehsal edilmiş məhsullar müasir laboratoriyada test edilib keyfiyyəti təsdiq edildikdən sonra satışa çıxarılır.
05 oktyabr 2019-cu il tarixdə Özbəkistanın paytaxtı Daşkənd şəhərində Türkdilli Dövlətlərin Əməkdaşlıq Şurası (Türk Şurası) üzvü olan ölkələrin Biznes və İnvestisiya Forumu keçirilib. Özbəkistan Baş Nazirinin müavini, maliyyə naziri Jamşid Kuçkarovun rəhbərliyi ilə keçirilən Forumda 55 nəfərdən ibarət Azərbaycan nümayəndə heyəti də iştirak edib.Forumda Naxçıvan Muxtar Respublikasını Azərbaycan sahibkarları Konfedrasiyasının vitse prezidenti, Türkdilli Dövlətlərin Əməkdaşlıq Şurasının üzvü, Naxçıvan Muxtar Respublikası Sahibkarlar Konfedrasiyasının sədri və “Cahan Holding” KŞİ-nin Prezidenti Vüqar Abbasov təmsil edib.
Forumda tikinti materiallarının istehsalı, dərman vasitələri, kənd təsərrüfatı, turizm, qida sektoru, tekstil, informasiya və rabitə texnologiyaları, kimya, neft və qaz sənayesi, maşınqayırma, elektrik mühəndisliyi və digər sahələrdə çalışan, müxtəlif türkdilli ölkələrdən gələn 400-dən artıq iş adamı qatılıb